Naweek na Wellington 4

Foto's van Botaniese tuine.




Mens ry op met so kabel karretjie. 

Naweek na Wellington 3

Te Papa museum, baie groot museum en regtig baie interresante plek.


Foto's vanaf die botaniese tuine van die stad.


 

Naweek na Wellington 2

Ahhh... Kyk die tande.


Nog foto's van Wellington...



Oorkant die hawe van die CBD. 

Naweek na Wellington 1

Andri het 'n kongres in Wellington aangehad die eerste naweek in September. So die DHB (District Health Board) het vir haar vliegtuig kaartjie en die hotel kamer betaal. So dit was eintlik 'n bargain. Ons het die Vrydag oggend 8h00 gevlieg en 8h45 weer geland. Ons was 'n halfuur in die lug, eintlik snaaks het nog nie eers behoorlik gemaklik gesit nie.


Ek het basies maar doe toeris ding gedoen terwyl Andri in die kongres was. Dit is ook nou nie so lekker nie, maar dit was darem pret genoeg.


Wellington is regtig 'n baie mooi stad dit sit so op die hawe en gee dit nogal mooi atmosfeer. Nogal baie soos die Waterfront in Kaapstap. Ek het nogal gedink dat ek lekker daar sal kan bly, die Saterdag het mind sommer weer heeltamal ge-change, die wind waai verskriklik, baie verskriklik....

Een of ander brug... Simboliseer een op ander iets... OK ek weet nie wat nie, maar dit het nice gelyk. 

Uit op parool

Die Maandag na die Saterdag wat ons getrek het die hond ook toe nou haar aankoms gemaak. Sewe maande is regtig 'n baie langtyd vir 'n hond, maar haar kondisie was regtig baie goed na die hele storie. Sy het ons dadelik herken en die stert het so gewaai dat sy dit stukkend gekap het teen die kante van die hok, darem niks ernstig nie. Sy het al haar signs herken en het alles gedoen wat mens vra sonder probleme.


Sy is nou nie heeltamal gemaak met die dikpels wat nodig is hier as dit lekker koud word nie, so sy soek die warmplekke baie vinnig uit.


Ek dink aan die einde van die dag is dit die moeitewerd om haar oor te gebring het. Sy is darem nog jonk en daar le nog baie jare vir haar voor. Dit maak dit ook darem lekkerder om iets van die huis te he.



Ons vermoed sy het so bietjie kalmeer, maar ons is nog nie oortuig nie. Ons gaan stap daem elke dag met haar in die bottle lake forest park, ons laat haar sommer los en sy kan hardloop soos sy wil. In die begin was sy so effe bang vir al die ander honde maar sy het darem al aangepas, en partykeer loop sy 'n hond raak wat net so te kere kan gaan soos sy, dan speel sy al te lekker. Die mense hier is nogal heel honde vriendelik, bygese die meeste mense wat mens raakloop het ook hande so hulle is nie veel gepla oor ander honde nie. 

Binne in ons huis

Die fotos is van die leefarea waar daar 'n eetkamer, klein sitkamer en kombuis is. Die 2 deure in die middel van die foto gaan na die "lounge" toe nogal 'n lekker warm vertrek. Die huise in NZ se vertrekke is nogal redelik dat jy deure kan toemaak om hitte binne te hou.


Kombuis.
Andri waar sy hoort...

Ons sal nog later weer fotos van binne die huis neem. Ons het darem nou al gordyne en blinders in die vertrekke waar ons kom. Dit het 2 weke gevat voor ons dit gehad het... Ek vermoed die bure ken ons dalk beter as wat hulle sal wil. Anyway hulle probleem :-) 

Die groot trek na Reka Straat

Ons het sommer met die trailer getrek. Was darem net so 2 vragte goed gewees. En mag ek byse dat ek nooit in 'n huis wil in of uittrek waar die trappe dun en moeilike draaie het nie. Ek verstaan nou hoekom die ouens so gesweet het wat ons sitkamer banke wat ons hier gekoop het vir ons gebring het. Dit is vrek swaar.

Gelukkig darem 'n helder dag gewees en nie gereen nie. Ons laaste oggend in Westmorland, ditis nogal snaak hoe vinnig 5 maande verby gegaan het. Dit voel soos gister wat ons nog verward gepik het oor hoe om 'n plek te huur en waar om te kyk en waar om te bly. Die plekkie in Westmorland was regtig baie lekker, ek dink dit is 'n baie goeie ding dat mens 'n lekker plek moes kry om te bly die eerste ruk, anders voel alles sleg en wil mens net huistoe gaan. Maar sak en pak is ons toe daar weg na die nuwe huis.

En vinnig besef mens dat ons basies die 15 kubieke meter waarmee ons in NZ aangekom het sommer lag lag verdubbel het. Ons was baie gelukkig dat ons van ons vriende kon kry om ons te help trek. Dit was harde werk maar darem het ons alles in so 4 ure se tyd getrek gehad.

 

En toe is daar gras en 'n heining

Ons (en weereens eintlik net ek...) het die rollout gras ingesit. Nou ja die rolle is so 30Kg elke en daar was 120 om in te sit (ons moet nou nog die ander 40 insit, moes eers die grond wegry ens.). Wel wat ek eintlik wil se is dat dit harde werk was. In die foto is die hondehak ook wat ek gebou het sodat die brak darem nou slaapplek het in die dag as dit reen.

Hier bo het die heining begin. Dit was so effe onderbreuk deur 'n maagsiekte wat ek gehad het, nogals so ewe 'n beheerde bakteriee wat ek iewers opgetel het. Ek het 5kg verloor in 4 dae se tyd, so ek het behoorlik my derms uitge.... Ek het maar eers ogiesdraad opgesit, maar die kykke van die bure was nogal snaaks. Anyways dit was darem net vir 'n week.


Die heining darem al sover dat die hond kan binne bly. Sy het wel al eenkeer uitgegrou by die agterste hekkie, gelukkig het sy by die huis gebly en nie ver gegaan nie. Ons moet nou nog gras en olyfbome voor die heining plant moet net eers die hieing stain en dan vernis en dan 'n top "cap" opsit om dit af te rond. So daar is nog baie naweke se werk wat voorle.

 

Tuin in wording...

Eerstens moes ek die grond gelyk gekry het, so 2 dae later en so 60 kruiwavragte grond later was dit toe darem so soortvan gelyk. Wel miskien moes ek eerder na HireQuip toe gegaan het en so klein stootskrapertjie gekry het... Maar nou ja.




Die gedeelte hierbo wat nou nie donker grond op het nie gaan later 'n dek word. Wel dit gaan sekerlik nie vanself gebeur nie maar ons is nog van plan om daar een te bou.


Ons (en met ons bedoel ek, ek) het orals hout "edging" ingesit. Die hout is met een of ander ding behandel, so dit sal nie vrot nie. Almal maak maar die tuin so hier.